譚詠麟早前和鍾鎮濤、梁家輝等出席集會支持警察，事件引起不少迴響，有追隨多年的忠粉表示心碎，不單將收藏多年的黑膠碟踩爛，以示不滿，甚至有網民發起聯署，要求台灣金馬獎褫奪譚詠麟當年以《假如我是真的》一片奪得的金馬影帝殊榮，以及去信美國，要求重新審視兩人的演出簽證。
與譚詠麟份屬好友的陳百祥，雖然當日未有現身撐警集會，不過他選擇今日到警察總部，他向在場警察說：「我好佩服你哋，可以喺咁艱難嘅時間，咁屈辱嘅情況下，大家可以保持到你哋嘅專業精神。」
他稱覺得香港真的有救：「如果你哋畀我做決定，我都唔知點做，只可以堅持自己當差嗰陣時，係想呢個社會有正當嘅紀律，有合法嘅嘢，你哋只不過做番自己嘅本份，不過而家呢份工係好難撈，所以我只可以做到嘅，係同你哋打氣，因為我覺得正常嘅香港人絕對係同我一樣諗法，但係大家都知而家嘅環境係好特別，所以我只能夠同你哋打氣，希望你哋繼續，我哋所有正常嘅市民都會繼續支持你哋。」結果現場有不少人拍手支持，而短片在撐警網瘋傳。
(資料來源：網上截圖/連結)
