羅家英、王梓軒、王灝兒（JW）與泳兒日前到尖沙嘴出席活動。穿上外套及圍巾的家英哥精神不俗，還透露早前完成前列腺切除手術後的情況，他說：「啱啱做完20日，而家冇事啦，冇晒癌指數，之前抽咗8粒組織，有4粒有癌細胞。但係有後遺症就係失禁，冇辦法㗎喇，惟有着尿片啦，應該都係3、4個月啫，趁後生早啲做（手術），老咗怕身體頂唔順。」他指手術後，阿姐（汪明荃）亦安心些。
問到阿姐平日有否督促他保持良好生活習慣？家英哥說：「佢成日叫我早啲瞓，我慣咗凌晨1、2點先瞓，不過而家每4個月都去做身體檢查。」至於家英哥有否督促阿姐保重身體？他笑謂：「佢健康好過我，佢唔使瞓覺㗎，叻過我。我輸晒啦，而家噤若寒蟬，冇氣同佢講，由得佢叻晒囉，佢一家之主嘛。」家英哥透露稍後會到橫店工作，將留一星期：「之前個劇未拍完，上去做埋，而家傾緊黃百鳴、曾志偉新戲。」
(資料來源：網上截圖/連結)
