【多謝林鄭團結港人】阿澤與秋生「We Connect」講政治 飲飽食醉大和解

杜汶澤與黃秋生性格鮮明，經常不畏言「有嗰句講嗰句」，多年來兩人意見各自交鋒，13年兩人曾就阿澤的電影《低俗喜劇》單單打打；14年兩人又因前特首梁振英女兒齊昕鬧不和，「無知」、「冷血」、「熱血」等字紛飛，其後阿澤選擇收口息事寧人，最終事件丟淡。兩人其後慢慢破冰，除合作電影《選老頂》，阿澤又邀請秋生上節目泯恩仇。

兩人放下成見，私下生活又回復老友鬼鬼，今晚阿澤就上載新相，與秋生食飯飲酒，兩人面紅紅，雙手齊舉拇指合照。雖然沒有多言，但肯定是大和解！因為阿澤上載新相時，以特首林鄭月娥的競選口號「We Connect」作留言，相信飯局沒有前設，可以談笑風生。其實兩人在飯局中的聊天話題，可能有關政治，因為阿澤在上載合照前，曾開post講：「同人討論時局時，嘗試保持住一份好學嘅精神，唔好令人覺得自己見解獨到，更加咪扮世外高人，人哋自不然會聽下你嘅諗法……我都係學習緊！共勉之！」此番說話應該就是兩人交談後的得着。